ذہن ہو تنگ تو پھر شوخئ افکار نہ رکھبند تہہ خانوں میں یہ دولت بیدار نہ رکھ
زخم کھانا ہی جو ٹھہرا تو بدن تیرا ہےخوف کا نام مگر لذت آزار نہ رکھ
ایک ہی چیز کو رہنا ہے سلامت پیارےاب جو سر شانوں پہ رکھا ہے تو دیوار نہ رکھ
خواہشیں توڑ نہ ڈالیں ترے سینے کا قفساتنے شہ زور پرندوں کو گرفتار نہ رکھ
اب میں چپ ہوں تو مجھے اپنی دلیلوں سے نہ کاٹمیری ٹوٹی ہوئی تلوار پہ تلوار نہ رکھ
آج سے دل بھی ترے حال میں ہوتا ہے شریکلے یہ حسرت بھی مری چشم گنہ گار نہ رکھ
وقت پھر جانے کہاں اس سے ملا دے تجھ کواس قدر ترک ملاقات کا پندار نہ رکھ
— عرفان صدیقی
Zehen ho tang to phir shokhi-e-afkar na rakhBand teh-khanon mein yeh daulat-e-bedaar na rakh
Zakhm khana hi jo thehra to badan tera haiKhauf ka naam magar lazzat-e-aazaar na rakh
Ek hi cheez ko rehna hai salamat pyareAb jo sar shanon pe rakha hai to deewar na rakh
Khwahishein tod na daalein tere seene ka qafasItne sheh zor parindon ko giraftar na rakh
Ab main chup hoon to mujhe apni daleelon se na kaatMeri tooti hui talwar pe talwar na rakh
Aaj se dil bhi tere haal mein hota hai shareekLe yeh hasrat bhi meri chashm-e-gunahgaar na rakh
Waqt phir jaane kahan us se mila de tujh koIs qadar tark-e-mulaqat ka pindar na rakh
