آج برسوں میں تو قسمت سے ملاقات ہوئی — قیصر الجعفری
شاعر
آج برسوں میں تو قسمت سے ملاقات ہوئی
آج برسوں میں تو قسمت سے ملاقات ہوئی
آپ منہ پھیر کے بیٹھے ہیں یہ کیا بات ہوئی
اڑ گئی خاک دل و جاں تو وہ رونے بیٹھے
بستیاں جل گئیں جب ٹوٹ کے برسات ہوئی
تم مرے ساتھ تھے جب تک تو سفر روشن تھا
شمع جس موڑ پہ چھوٹی ہے وہیں رات ہوئی
اس محبت سے ملا ہے وہ ستم گر ہم سے
جتنے شکوے نہ ہوئے اتنی مدارات ہوئی
ایک لمحہ تھا عجب اس کی شناسائی کا
کتنے نادیدہ زمانوں سے ملاقات ہوئی
قتل ہو جاتی ہے اس دور میں دل کی آواز
مجھ پہ تلوار نہ ٹوٹی یہ کرامات ہوئی
گاؤں کے گاؤں بجھانے کو ہوا آئی تھی
میرے معصوم چراغوں سے شروعات ہوئی
شاعری پہلے رسولوں کی دعا تھی قیصرؔ
آج اس عہد میں اک شعبدۂ ذات ہوئی
قیصر الجعفری
Aaj barson mein to qismat se mulaqat hui
Aaj barson mein to qismat se mulaqat hui
Aap munh pher ke baithe hain yeh kya baat hui
Ud gayi khaak dil-o-jaan to woh rone baithe
Bastiyan jal gayin jab toot ke barsaat hui
Tum mere saath the jab tak to safar roshan tha
Shama jis mod pe chhooti hai wahin raat hui
Is mohabbat se mila hai woh sitamgar ham se
Jitne shikwe na hue utni mudarat hui
Ek lamha tha ajab us ki shanasai ka
Kitne nadeeda zamanon se mulaqat hui
Qatl ho jaati hai is daur mein dil ki awaz
Mujh pe talwar na tooti yeh karamat hui
Gaon ke gaon bujhane ko hawa aayi thi
Mere masoom charaghon se shuruaat hui
Shairi pehle Rasoolon ki dua thi Qaisar!
Aaj is ahd mein ek shobda-zaat hui
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں