خون کے پھول — قیصر الجعفری
شاعر
خون کے پھول
جہاں بھی خون ٹپکتا ہے سرفروشوں کا
بلند ہو کے وہ دھرتی گگن سے ملتی ہے
اڑے جہاں سے شہیدوں کے جسم کی خوشبو
بہار آ کے گلے اس چمن سے ملتی ہے
جو ساتھ لائے صلیب و کفن کی سوغاتیں
وہ موت ناز و ادا میں دلہن سے ملتی ہے
وفا بغیر لہو سرخ رو نہیں ہوتی
یہ راہ منزل دار و رسن سے ملتی ہے
نکھار دیتی ہے آئینہ جبین وطن
شعاع رنگ جو زخم بدن سے ملتی ہے
وہ روشنی جو لب زخم سے ابھرتی ہے
افق پہ ناچتی ہنستی کرن سے ملتی ہے
وہ سرخیٔ سر دامن جو ہو وطن کے لئے
جمال لالہ و سرو و سمن سے ملتی ہے
وہ موت جس سے مہکتے ہیں زندگی کے چمن
بڑے خلوص بڑے بانکپن سے ملتی ہے
حیات پھول بکھیرے تمہاری راہوں میں
کہ تم نے عید منائی ہے رزم گاہوں میں
قیصر الجعفری
Khoon Ke Phool
Jahan bhi khoon tapakta hai sarfaroshon ka
Buland ho ke woh dharti gagan se milti hai
Ude jahan se shaheedon ke jism ki khushboo
Bahaar aa ke gale us chaman se milti hai
Jo saath laye saleeb-o-kafan ki saughatein
Woh maut naaz-o-ada mein dulhan se milti hai
Wafa baghair lahoo surkh-roo nahin hoti
Yeh raah-e-manzil daar-o-rasan se milti hai
Nikhaar deti hai aaina-e-jabeen-e-watan
Shua-e-rang jo zakhm-e-badan se milti hai
Woh roshni jo lab-e-zakhm se ubharti hai
Ufaq pe naachti hansti kiran se milti hai
Woh surkhi-e-sar-e-daaman jo ho watan ke liye
Jamaal-e-lala-o-sarv-o-saman se milti hai
Woh maut jis se mahakte hain zindagi ke chaman
Bade khuloos bade bankpan se milti hai
Hayaat phool bikhere tumhari rahon mein
Ke tum ne eid manayi hai razm-gahon mein
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں