آنکھ رکھتے ہوئے توہین نظر کون کرے — قیصر الجعفری
شاعر
آنکھ رکھتے ہوئے توہین نظر کون کرے
آنکھ رکھتے ہوئے توہین نظر کون کرے
ناؤ ٹوٹی ہوئی دیکھے تو سفر کون کرے
سب یہاں پار اترنے کے لئے بیٹھے ہیں
سامنا تند ہواؤں کا مگر کون کرے
لاش بے گور و کفن کب سے پڑی ہے باہر
سبھی قاتل ہوں تو بستی میں خبر کون کرے
لوگ جنگل کے درختوں کو اٹھا لے گئے گھر
دھوپ میں جلتے پرندوں پہ نظر کون کرے
دور تک راہ میں چھایا ہے خزاں کا منظر
خواب آنکھوں میں نہ مہکے تو سفر کون کرے
جھلملا دے تجھے اک موج ہوا کی آہٹ
شمع بے مایہ ترے ساتھ سحر کون کرے
امتحان دل و جاں ہے یہ محبت کی صلیب
سہل ہو معرکۂ شوق تو سر کون کرے
آج لفظوں کا بھرم ٹوٹ گیا ہے قیصرؔ
ہم بھی نقاد ہیں تنقید مگر کون کرے
قیصر الجعفری
Aankh rakhte hue tauheen-e-nazar kaun kare
Aankh rakhte hue tauheen-e-nazar kaun kare
Nao tooti hui dekhe to safar kaun kare
Sab yahan paar utarne ke liye baithe hain
Samna tund hawaon ka magar kaun kare
Lash be-gor-o-kafan kab se padi hai bahar
Sabhi qatil hon to basti mein khabar kaun kare
Log jangal ke drakhton ko utha le gaye ghar
Dhoop mein jalte parindon pe nazar kaun kare
Door tak raah mein chhaya hai khizan ka manzar
Khwab aankhon mein na mehke to safar kaun kare
Jhilmila de tujhe ek mauj-e-hawa ki aahat
Shama be-maya tere sath sahar kaun kare
Imtihan-e-dil-o-jaan hai yeh mohabbat ki saleeb
Sehal ho maarka-e-shauq to sar kaun kare
Aaj lafzon ka bharam toot gaya hai Qaisar
Hum bhi naqqad hain tanqeed magar kaun kare
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں