اپنی تنہائی کی پلکوں کو بھگو لوں پہلے — قیصر الجعفری
شاعر
اپنی تنہائی کی پلکوں کو بھگو لوں پہلے
اپنی تنہائی کی پلکوں کو بھگو لوں پہلے
پھر غزل تجھ پہ لکھوں بیٹھ کے رو لوں پہلے
خواب کے ساتھ کہیں کھو نہ گئی ہو آنکھیں
جب اٹھوں سو کے تو چہرے کو ٹٹولوں پہلے
میرے خوابوں کو ہے موسم پہ بھروسہ کتنا
بعد میں پھول کھلیں ہار پرو لوں پہلے
دیکھنا ہے وہ خفا رہتا ہے مجھ سے کب تک
میں نے سوچا ہے کہ اس بار نہ بولوں پہلے
دوستوں نے مجھے وہ داغ دیئے ہیں قیصرؔ
وہ بھی آ جائیں تو دروازہ نہ کھولوں پہلے
قیصر الجعفری
Apni tanhai ki palkon ko bhigo loon pehle
Apni tanhai ki palkon ko bhigo loon pehle
Phir ghazal tujh pe likhoon baith ke ro loon pehle
Khwab ke saath kahin kho na gayi hon aankhein
Jab uthoon so ke to chehre ko tatoloon pehle
Mere khwabon ko hai mausam pe bharosa kitna
Baad mein phool khilein haar pro loon pehle
Dekhna hai woh khafa rahta hai mujh se kab tak
Main ne socha hai ke is baar na boloon pehle
Doston ne mujhe woh daagh diye hain Qaisar!
Woh bhi aa jayein to darwaza na kholoon pehle
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں