عذاب سا ہے دل نامراد پر کب سے — قیصر الجعفری
شاعر
عذاب سا ہے دل نامراد پر کب سے
عذاب سا ہے دل نامراد پر کب سے
کھڑا ہوں میں روش گرد باد پر کب سے
کبھی ملو گے کہیں تو ملو گے جیتے جی
میں جی رہا ہوں اسی اعتماد پر کب سے
جو باڑھ آئی تو بے چارہ بہہ گیا خود ہی
جو بند باندھ رہا تھا فساد پر کب سے
وہ زندگی جو کبھی مڑ کے دیکھتی بھی نہیں
میں مر رہا ہوں اسی بد نہاد پر کب سے
مرے قلم پہ بھی شب خون پڑ گیا آخر
محاصرہ تھا مری جائیداد پر کب سے
میں روشنی کو بھلا دوں تو کیا تعجب ہے
برس رہا ہے دھواں میری یاد پر کب سے
مرے وجود میں کیا شاہکار ہے پنہاں
چڑھا رہا ہے زمانہ خراد پر کب سے
تمام شہر سماعت لرز اٹھا قیصرؔ
نکل پڑی ہے خموشی جہاد پر کب سے
قیصر الجعفری
Azab sa hai dil-e-namurad par kab se
Azab sa hai dil-e-namurad par kab se
Khada hoon main rawish-e-gard-e-baad par kab se
Kabhi miloge kahin to miloge jeete jee
Main jee raha hoon usi aetimad par kab se
Jo baadh aayi to bechara beh gaya khud hi
Jo band bandh raha tha fasad par kab se
Woh zindagi jo kabhi mud ke dekhti bhi nahin
Main mar raha hoon usi bad-nihad par kab se
Mere qalam pe bhi shabkhoon pad gaya akhir
Muhasara tha meri jaidad par kab se
Main roshni ko bhula doon to kya ta'ajjub hai
Baras raha hai dhuan meri yaad par kab se
Mere wajood mein kya shahkar hai pinhan
Chadha raha hai zamana kharad par kab se
Tamam shehar sama'at laraz utha Qaisar
Nikal padi hai khamoshi jihad par kab se
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں