بستی میں ہے وہ سناٹا جنگل مات لگے — قیصر الجعفری
شاعر
بستی میں ہے وہ سناٹا جنگل مات لگے
بستی میں ہے وہ سناٹا جنگل مات لگے
شام ڈھلے بھی گھر پہنچوں تو آدھی رات لگے
مٹھی بند کئے بیٹھا ہوں کوئی دیکھ نہ لے
چاند پکڑنے گھر سے نکلا جگنو ہات لگے
تم سے بچھڑے دل کو اجڑے برسوں بیت گئے
آنکھوں کا یہ حال ہے اب تک کل کی بات لگے
تم نے اتنے تیر چلائے سب خاموش رہے
ہم تڑپے تو دنیا بھر کے الزامات لگے
خط میں دل کی باتیں لکھنا اچھی بات نہیں
گھر میں اتنے لوگ ہیں جانے کس کے ہات لگے
ساون ایک مہینے قیصرؔ آنسو جیون بھر
ان آنکھوں کے آگے بادل بے اوقات لگے
قیصر الجعفری
Basti mein hai woh sannata jungle maat lage
Basti mein hai woh sannata jungle maat lage
Sham dhale bhi ghar pahunchoon to aadhi raat lage
Muthhi band kiye baitha hoon koi dekh na le
Chand pakadne ghar se nikla jugnu haath lage
Tum se bichhde dil ko ujde barson beet gaye
Aankhon ka yeh haal hai ab tak kal ki baat lage
Tum ne itne teer chalaye sab khamosh rahe
Ham tadpe to duniya bhar ke ilzamaat lage
Khat mein dil ki batein likhna achhi baat nahin
Ghar mein itne log hain jaane kis ke haath lage
Sawan ek mahine Qaisar! aansoo jeevan bhar
In aankhon ke aage badal be-auqaat lage
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں