چہرے پہ انتظار کی پرچھائیاں ملیں — قیصر الجعفری
شاعر
چہرے پہ انتظار کی پرچھائیاں ملیں
چہرے پہ انتظار کی پرچھائیاں ملیں
ہم چپ تھے اس کے بعد بھی رسوائیاں ملیں
آیا نہ راس ہم کو سمندر سے بھاگنا
ساحل کے آس پاس بھی گہرائیاں ملیں
برسوں کے بعد لوٹ کے آئے جو گاؤں ہم
وہ چاندنی ملی نہ وہ انگنائیاں ملیں
پانی پہ تیرتی تھی ہماری غزل کبھی
ڈوبے جو آنسوؤں میں تو گہرائیاں ملیں
قیصرؔ مرے نصیب کے دن بہہ گئے کہاں
پانی پہ صرف شام کی پرچھائیاں ملیں
قیصر الجعفری
Chehre pe intizar ki parchhaiyan milin
Chehre pe intizar ki parchhaiyan milin
Hum chup the us ke baad bhi ruswaiyan milin
Aaya na raas hum ko samundar se bhagna
Sahil ke aas paas bhi gehraiyan milin
Barson ke baad laut ke aaye jo gaon hum
Woh chandni mili na woh anganaiyan milin
Pani pe tairti thi hamari ghazal kabhi
Doobe jo aansuon mein to gehraiyan milin
Qaisar mere naseeb ke din beh gaye kahan
Pani pe sirf sham ki parchhaiyan milin
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں