دانشوروں کے بس میں یہ رد عمل نہ تھا — قیصر الجعفری
شاعر
دانشوروں کے بس میں یہ رد عمل نہ تھا
دانشوروں کے بس میں یہ رد عمل نہ تھا
میں ایسی تیغ لے کے اٹھا جس میں پھل نہ تھا
کیا درد ٹوٹ ٹوٹ کے برسا ہے رات بھر
اتنا غبار تو مرے چہرے پہ کل نہ تھا
پتھراؤ کر رہا ہے وہ خود اپنی ذات پر
کیا دل کے مسئلے کا کوئی اور حل نہ تھا
شاخیں لدی ہوئی تھیں تو پتھر نہ تھا نصیب
پتھر پڑے ملے تو درختوں میں پھل نہ تھا
شب کی ہوا سے ہار گئی میرے دل کی آگ
یخ بستہ شہر میں کوئی رد و بدل نہ تھا
اب ایک ایک حرف سے چھنتی ہے روشنی
تم سے ملے نہ تھے تو یہ حسن غزل نہ تھا
قیصرؔ! ضمیر وقت کو دیکھا کرید کے
صدیاں رکھی تھیں دوش پہ مٹھی میں پل نہ تھا
قیصر الجعفری
Danishwaron Ke Bas Mein Yeh Radd-e Amal Na Tha
Danishwaron ke bas mein yeh radd-e amal na tha
Main aisi tegh le ke utha jis mein phal na tha
Kya dard toot toot ke barsa hai raat bhar
Itna ghubaar to mere chehre pe kal na tha
Pathraao kar raha hai woh khud apni zaat par
Kya dil ke masle ka koi aur hal na tha
Shakhein ladi hui thin to patthar na tha naseeb
Patthar pade mile to darakhton mein phal na tha
Shab ki hawa se haar gayi mere dil ki aag
Yakh basta shehr mein koi radd-o-badal na tha
Ab ek ek harf se chhanti hai roshni
Tum se mile na the to yeh husn-e ghazal na tha
Qaisar! Zameer-e waqt ko dekha kureed ke
Sadiyan rakhi thin dosh pe mutthi mein pal na tha
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں