در و دیوار پہ ہجرت کے نشاں دیکھ آئیں — قیصر الجعفری
شاعر
در و دیوار پہ ہجرت کے نشاں دیکھ آئیں
در و دیوار پہ ہجرت کے نشاں دیکھ آئیں
آؤ ہم اپنے بزرگوں کے مکاں دیکھ آئیں
آؤ بھیگی ہوئی آنکھوں سے پڑھیں نوحۂ دل
آؤ بکھرے ہوئے رشتوں کا زیاں دیکھ آئیں
ٹوٹا ٹوٹا ہوا دل لے کے پھریں گلیوں میں
کچی مٹی کے کھلونوں کی دکاں دیکھ آئیں
روشنی کے کہیں آثار تو باقی ہوں گے
آؤ پگھلی ہوئی شمعوں کا دھواں دیکھ آئیں
جن درختوں کے تلے رقص صبا ہوتا تھا
سوکھے پتوں کا برسنا بھی وہاں دیکھ آئیں
اب فرشتوں کے سوا کوئی نہ آتا ہوگا
کون دیتا ہے خرابوں میں اذاں دیکھ آئیں
مدتوں بعد مہاجر کی طرح آئے ہیں
روٹھ جائے نہ کھنڈر آؤ میاں دیکھ آئیں
قیصر الجعفری
Dar-o-Deewar Pe Hijrat Ke Nishaan Dekh Aayein
Dar-o-deewar pe hijrat ke nishaan dekh aayein
Aao hum apne buzurgon ke makaan dekh aayein
Aao bheegi hui aankhon se padhein nauha-e dil
Aao bikhre hue rishton ka ziyaan dekh aayein
Toota toota hua dil le ke phiren galiyon mein
Kachchi mitti ke khilonon ki dukaan dekh aayein
Roshni ke kaheen aasaar to baaqi honge
Aao pighli hui shamon ka dhuaan dekh aayein
Jin darakhton ke tale raqs-e saba hota tha
Sookhe patton ka barasna bhi wahaan dekh aayein
Ab farishton ke siwa koi na aata hoga
Kaun deta hai kharaabon mein azaan dekh aayein
Muddaton baad muhajir ki tarah aaye hain
Rooth jaaye na khandhar aao miyaan dekh aayein
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں