دشت تنہائی میں کل رات ہوا کیسی تھی — قیصر الجعفری
شاعر
دشت تنہائی میں کل رات ہوا کیسی تھی
دشت تنہائی میں کل رات ہوا کیسی تھی
دیر تک ٹوٹتے لمحوں کی صدا کیسی تھی
زندگی نے مرا پیچھا نہیں چھوڑا اب تک
عمر بھر سر سے نہ اتری یہ بلا کیسی تھی
سنتے رہتے تھے محبت کے فسانے کیا کیا
بوند بھر دل پہ نہ برسی یہ گھٹا کیسی تھی
کیا ملا فیصلۂ ترک تعلق کر کے
تم جو بچھڑے تھے تو ہونٹوں پہ دعا کیسی تھی
ٹوٹ کر خود جو وہ بکھرا ہے تو معلوم ہوا
جس سے لپٹا تھا وہ دیوار انا کیسی تھی
جسم سے نوچ کے پھینکی بھی تو خوشبو نہ گئی
یہ روایات کی بوسیدہ قبا کیسی تھی
ڈوبتے وقت بھنور پوچھ رہا ہے قیصرؔ
جب کنارے سے چلے تھے تو فضا کیسی تھی
قیصر الجعفری
Dasht-e-tanhai mein kal raat hawa kaisi thi
Dasht-e-tanhai mein kal raat hawa kaisi thi
Der tak toot-te lamhon ki sada kaisi thi
Zindagi ne mera peechha nahin chhoda ab tak
Umr bhar sar se na utri ye bala kaisi thi
Sunte rehte the mohabbat ke fasane kya kya
Boond bhar dil pe na barsi ye ghata kaisi thi
Kya mila faisla tark-e-taalluq kar ke
Tum jo bichhde the to honton pe dua kaisi thi
Toot kar khud jo woh bikhra hai to maloom hua
Jis se lipta tha woh deewar-e-ana kaisi thi
Jism se noch ke phenki bhi to khushboo na gayi
Ye riwayat ki boseeda qaba kaisi thi
Doobte waqt bhanwar poochh raha hai Qaisar
Jab kinare se chale the to faza kaisi thi
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں