دل کی آگ کہاں لے جاتے جلتی بجھتی چھوڑ چلے — قیصر الجعفری
شاعر
دل کی آگ کہاں لے جاتے جلتی بجھتی چھوڑ چلے
دل کی آگ کہاں لے جاتے جلتی بجھتی چھوڑ چلے
بنجاروں سے ڈرنے والو لو ہم اپنی بستی چھوڑ چلے
آگے آگے چیخ رہا ہے صحرا کا اک زرد سفر
دریا جانے ساحل جانے ہم تو کشتی چھوڑ چلے
مٹی کے انبار کے نیچے ڈوب گیا مستقبل بھی
دیواروں نے دیکھا ہوگا بچے تختی چھوڑ چلے
دنیا رکھے چاہے پھینکے یہ ہے پڑی زنبیل سخن
ہم نے جتنی پونجی جوڑی رتی رتی چھوڑ چلے
ساری عمر گنوا دی قیصرؔ دو گز مٹی ہاتھ لگی
کتنی مہنگی چیز تھی دنیا کتنی سستی چھوڑ چلے
قیصر الجعفری
Dil ki aag kahan le jaate jalti bujhti chhod chale
Dil ki aag kahan le jaate jalti bujhti chhod chale
Banjaron se darne walo lo hum apni basti chhod chale
Aage aage cheekh raha hai sahra ka ek zard safar
Dariya jaane sahil jaane hum to kashti chhod chale
Mitti ke anbar ke neeche doob gaya mustaqbil bhi
Deewaron ne ne dekha hoga bachche takhti chhod chale
Duniya rakhe chahe phenke yeh hai padi zanbeel-e-sukhan
Hum ne jitni punji jodi ratti ratti chhod chale
Sari umr ganwa di Qaisar do gaz mitti haath lagi
Kitni mehngi cheez thi duniya kitni sasti chhod chale
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں