دن کی بے درد تھکن چہرے پہ لے کر مت جا — قیصر الجعفری
شاعر
دن کی بے درد تھکن چہرے پہ لے کر مت جا
دن کی بے درد تھکن چہرے پہ لے کر مت جا
بام و در جاگ رہے ہوں گے ابھی گھر مت جا
میرے پرکھوں کی وراثت کا بھرم رہنے دے
تو حویلی کو کھلا دیکھ کے اندر مت جا
بوند بھر درد سنبھلتا نہیں کم ظرفوں سے
رکھ کے تو اپنی ہتھیلی پہ سمندر مت جا
پھوٹنے دے مری پلکوں سے ذرا اور لہو
اے مری نیند ابھی چھوڑ کے بستر مت جا
کچھ تو رہنے دے ابھی ترک وفا کی خاطر
تجھ کو جانا ہے تو جا ہاتھ جھٹک کر مت جا
اور کچھ دیر یہ مشق نگہ ناز سہی
سامنے بیٹھ ابھی پھینک کے خنجر مت جا
دھوپ کیا ہے تجھے اندازہ نہیں ہے قیصرؔ
آبلے پاؤں میں پڑ جائیں گے باہر مت جا
قیصر الجعفری
Din ki be-dard thakan chehre pe le kar mat ja
Din ki be-dard thakan chehre pe le kar mat ja
Baam-o-dar jaag rahe honge abhi ghar mat ja
Mere parkhon ki wirasat ka bharam rehne de
Tu haweli ko khula dekh ke andar mat ja
Boond bhar dard sambhalta nahin kam zarfon se
Rakh ke tu apni hatheli pe samandar mat ja
Phoote de meri palkon se zara aur lahu
Ae meri neend abhi chhod ke bistar mat ja
Kuch to rehne de abhi tark-e-wafa ki khatir
Tujhe jaana hai to ja haath jhatak kar mat ja
Aur kuch der yeh mashq-e-nigah-e-naz sahi
Samne baith abhi phenk ke khanjar mat ja
Dhoop kya hai tujhe andaza nahin hai Qaisar
Aable paon mein pad jaayenge bahar mat ja
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں