عہد جنوں میں بیٹھے بیٹھے جو غزلیں لکھ ڈالی تھیں — قیصر الجعفری
شاعر
عہد جنوں میں بیٹھے بیٹھے جو غزلیں لکھ ڈالی تھیں
عہد جنوں میں بیٹھے بیٹھے جو غزلیں لکھ ڈالی تھیں
ہم کو رسوا دنیا بھر کو پاگل کرنے والی تھیں
آنکھوں میں وہ شام کا ٹکڑا اکثر چبھتا رہتا ہے
گھر میں آندھی جب آئی تھی شمعیں جلنے والی تھیں
چاند ستارے ٹوٹ رہے تھے خوابوں کی انگنائی میں
آنکھ کھلی تو دیکھا گھر کی سب دیواریں کالی تھیں
چٹکی بھر امید نہیں تھی کاسہ لے کر کیا پھرتے
شہر وفا کی ساری گلیاں اپنی دیکھی بھالی تھیں
پیار کا موسم بیت چکا تھا بستی میں جب پہنچے ہم
لوگوں نے پھولوں کے بدلے تلواریں منگوا لی تھیں
قیصرؔ دل کا حال سنا کر جب یاروں کا منہ دیکھا
سب کے چہرے سوکھے سوکھے سب کی آنکھیں خالی تھیں
قیصر الجعفری
Ehad-e Junoon Mein Baithe Baithe Jo Ghazlein Likh Daali Thin
Ehad-e junoon mein baithe baithe jo ghazlein likh daali thin
Hum ko ruswa duniya bhar ko paagal karne wali thin
Aankhon mein woh shaam ka tukda aksar chubhata rehta hai
Ghar mein aandhi jab aayi thi sham'ein jalne wali thin
Chaand sitaare toot rahe the khwabon ki angnaai mein
Aankh khuli to dekha ghar ki sab deewarein kaali thin
Chutki bhar umeed nahin thi kaasa le kar kya phirte
Shehr-e wafa ki saari galiyaan apni dekhi bhaali thin
Pyaar ka mausam beet chuka tha basti mein jab pohnche hum
Logon ne phoolon ke badle talwarein mangwa li thin
Qaisar! Dil ka haal suna kar jab yaaron ka munh dekha
Sab ke chehre sookhe sookhe sab ki aankhein khaali thin
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں