گھر بسا کر بھی مسافر کے مسافر ٹھہرے — قیصر الجعفری
شاعر
گھر بسا کر بھی مسافر کے مسافر ٹھہرے
گھر بسا کر بھی مسافر کے مسافر ٹھہرے
لوگ دروازوں سے نکلے کہ مہاجر ٹھہرے
دل کے مدفن پہ نہیں کوئی بھی رونے والا
اپنی درگاہ کے ہم خود ہی مجاور ٹھہرے
اس بیاباں کی نگاہوں میں مروت نہ رہی
کون جانے کہ کوئی شرط سفر پھر ٹھہرے
پتیاں ٹوٹ کے پتھر کی طرح لگتی ہیں
ان درختوں کے تلے کون مسافر ٹھہرے
خشک پتے کی طرح جسم اڑا جاتا ہے
کیا پڑی ہے جو یہ آندھی مری خاطر ٹھہرے
شاخ گل چھوڑ کے دیوار پہ آ بیٹھے ہیں
وہ پرندے جو اندھیروں کے مسافر ٹھہرے
اپنی بربادی کی تصویر اتاروں کیسے
چند لمحوں کے لیے بھی نہ مناظر ٹھہرے
تشنگی کب کے گناہوں کی سزا ہے قیصرؔ
وہ کنواں سوکھ گیا جس پہ مسافر ٹھہرے
قیصر الجعفری
Ghar basa kar bhi musafir ke musafir thehre
Ghar basa kar bhi musafir ke musafir thehre
Log darwazon se nikle ke muhajir thehre
Dil ke madfan pe nahin koi bhi rone wala
Apni dargah ke ham khud hi mujawir thehre
Is bayaban ki nigahon mein murawwat na rahi
Kaun jaane ke koi shart-e-safar phir thehre
Pattiyan toot ke patthar ki tarah lagti hain
In darakhton ke tale kaun musafir thehre
Khushk patte ki tarah jism uda jata hai
Kya padi hai jo yeh aandhi meri khatir thehre
Shaakh-e-gul chhod ke deewar pe aa baithe hain
Woh parinde jo andheron ke musafir thehre
Apni barbadi ki tasveer utaroon kaise
Chand lamhon ke liye bhi na manazir thehre
Tishnagi kab ke gunahon ki saza hai Qaisar!
Woh kunwan sookh gaya jis pe musafir thehre
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں