ہم وقت کے الاؤ میں برسوں جلے میاں — قیصر الجعفری
شاعر
ہم وقت کے الاؤ میں برسوں جلے میاں
ہم وقت کے الاؤ میں برسوں جلے میاں
لو دل کی راکھ چھوڑ کے ہم بھی چلے میاں
چاروں طرف سے ٹوٹ رہا ہے ہوا کا شور
بستی میں اک چراغ کہاں تک جلے میاں
اک دوسرے کے قتل میں ہم سب شریک ہیں
پوچھو تو کوئی نام کسی کا نہ لے میاں
دروازہ بند کر کے سلگنا پڑا مجھے
کیوں میرے گھر کی آگ سے بستی جلے میاں
کب تک کھڑے رہو گے درختوں کی آڑ میں
کیا جانے کتنی دیر یہ آندھی چلے میاں
وہ دن گئے کہ رہتے تھے ہم آسمان پر
کٹتی ہے رات ٹوٹی ہوئی چھت تلے میاں
قیصرؔ بھری بہار سے روٹھے رہے بہت
اب فصل جا رہی ہے لگا لو گلے میاں
قیصر الجعفری
Ham waqt ke alāo mein barsoñ jale miyāñ
Ham waqt ke alāo mein barsoñ jale miyāñ
Lo dil kī rākh chhoṛ ke ham bhī chale miyāñ
Chāroñ taraf se ṭūṭ rahā hai havā kā shor
Bastī mein ik chirāgh kahāñ tak jale miyāñ
Ik dūsre ke qatl mein ham sab sharīk hain
Pūchho to koi nām kisī kā na le miyāñ
Darwāza band kar ke sulagnā paṛā mujhe
Kyoñ mere ghar kī āg se bastī jale miyāñ
Kab tak khaṛe rahoge darakhtoñ kī āṛ mein
Kya jaane kitnī der yeh āñdhī chale miyāñ
Woh din ga'e ki rahte the ham āsmān par
Kaṭtī hai rāt ṭūṭī huī chhat tale miyāñ
Qaisarؔ bharī bahār se rūṭhe rahe bahut
Ab fasl jā rahī hai lagā lo gale miyāñ
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں