ہوا بہت ہے متاع سفر سنبھال کے رکھ — قیصر الجعفری
شاعر
ہوا بہت ہے متاع سفر سنبھال کے رکھ
ہوا بہت ہے متاع سفر سنبھال کے رکھ
دریدہ چادر جاں ہے مگر سنبھال کے رکھ
پھر اس کے بعد تو قدریں انہیں پہ اٹھیں گی
کچھ اور روز یہ دیوار و در سنبھال کے رکھ
ابھی اڑان کے سو امتحان باقی ہیں
ان آندھیوں میں ذرا بال و پر سنبھال کے رکھ
یہ عہد کانپ رہا ہے زمیں کے اندر تک
تو اپنا ہاتھ بھی دیوار پر سنبھال کے رکھ
پڑھیں گے لوگ انہیں میں کہانیاں تیری
کچھ اور روز یہ دامان تر سنبھال کے رکھ
ہوا کے ایک ہی جھونکے کی دیر ہے قیصرؔ
کسی بھی طاق پہ شمع سحر سنبھال کے رکھ
قیصر الجعفری
Hawa Bahut Hai Mata-e Safar Sambhal Ke Rakh
Hawa bahut hai mata-e safar sambhal ke rakh
Dareeda chadar-e jaan hai magar sambhal ke rakh
Phir us ke baad to qadrein unhein pe uthen gi
Kuch aur roz yeh deewar-o-dar sambhal ke rakh
Abhi udaan ke sau imtehaan baaqi hain
In aandhiyon mein zara baal-o-par sambhal ke rakh
Yeh ahad kaanp raha hai zameen ke andar tak
Tu apna haath bhi deewar par sambhal ke rakh
Padhein ge log unhein mein kahaniyan teri
Kuch aur roz yeh daaman-e tar sambhal ke rakh
Hawa ke ek hi jhonke ki der hai Qaisar!
Kisi bhi taaq pe shama-e sahar sambhal ke rakh
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں