ہم نے لکھے تھے ہواؤں میں فسانے اپنے — قیصر الجعفری
شاعر
ہم نے لکھے تھے ہواؤں میں فسانے اپنے
ہم نے لکھے تھے ہواؤں میں فسانے اپنے
اڑ گئے ایک ہی جھونکے میں زمانے اپنے
سونی آنکھوں میں تلاشو نہ وفا کے موتی
ہم لٹا آئے کہیں اور خزانے اپنے
بند پلکوں پہ یہ کس درد نے دستک دی ہے
ٹوٹ جائیں نہ کہیں خواب سہانے اپنے
ہم دریچے پہ کھڑے ہو کے کہاں تک سوچیں
چاند ہر روز بدلتا ہے ٹھکانے اپنے
کون پروانہ بنے کون جلے کس کے لیے
شمع خود بیٹھ کے اب روئے سرہانے اپنے
ہم نے توڑا نہیں ماضی سے تعلق قیصرؔ
ہر نئے شعر میں آنسو ہیں پرانے اپنے
قیصر الجعفری
Hum Ne Likhe The Hawaon Mein Fasane Apne
Hum ne likhe the hawaon mein fasane apne
Ud gaye ek hi jhonke mein zamane apne
Sooni aankhon mein talasho na wafa ke moti
Hum luta aaye kaheen aur khazane apne
Band palkon pe yeh kis dard ne dastak di hai
Toot jaayen na kaheen khwab suhane apne
Hum dareeche pe khade ho ke kahan tak sochein
Chaand har roz badalta hai thikane apne
Kaun parwana bane kaun jale kis ke liye
Shama khud baith ke ab roye sirhane apne
Hum ne toda nahin maazi se talluq Qaisar!
Har naye sher mein aansoo hain purane apne
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں