اس دور کی پلکوں پہ ہیں آنسو کی طرح ہم — قیصر الجعفری
شاعر
اس دور کی پلکوں پہ ہیں آنسو کی طرح ہم
اس دور کی پلکوں پہ ہیں آنسو کی طرح ہم
کچھ دیر میں اڑ جائیں گے خوشبو کی طرح ہم
بڑھ کر کسی دامن نے بھی ہم کو نہ سنبھالا
آنکھوں سے ٹپکتے رہے آنسو کی طرح ہم
کس پھول سے بچھڑے ہیں کہ پھرتے ہیں پریشاں
جنگل میں بھٹکتی ہوئی خوشبو کی طرح ہم
اب دن کے اجالے میں ہمیں کون پکارے
چمکے تھے کبھی رات میں جگنو کی طرح ہم
ہر موڑ پہ آئیں ترے دامن کی ہوائیں
ہر چھاؤں کو سمجھے ترے گیسو کی طرح ہم
قیصرؔ ہمیں دنیا نے سمجھ کر بھی نہ سمجھا
الجھے ہی رہے کاکل اردو کی طرح ہم
قیصر الجعفری
Is daur ki palkon pe hain aansu ki tarah hum
Is daur ki palkon pe hain aansu ki tarah hum
Kuch der mein ud jaayenge khushboo ki tarah hum
Badh kar kisi daman ne bhi hum ko na sambhala
Aankhon se tapakte rahe aansu ki tarah hum
Kis phool se bichhde hain ke phirte hain pareshan
Jangal mein bhatakti hui khushboo ki tarah hum
Ab din ke ujale mein hamein kaun pukare
Chamke the kabhi raat mein jugnu ki tarah hum
Har mod pe aayen tere daman ki hawaen
Har chhaon ko samjhe tere gesu ki tarah hum
Qaisar hamein duniya ne samajh kar bhi na samjha
Ulajhe hi rahe kakul-e-Urdu ki tarah hum
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں