اتنا سناٹا ہے بستی میں کہ ڈر جائے گا — قیصر الجعفری
شاعر
اتنا سناٹا ہے بستی میں کہ ڈر جائے گا
اتنا سناٹا ہے بستی میں کہ ڈر جائے گا
چاند نکلا بھی تو چپ چاپ گزر جائے گا
کیا خبر تھی کہ ہوا تیز چلے گی اتنی
سارا صحرا مرے چہرے پہ بکھر جائے گا
ہم کسی موڑ پہ رک جائیں گے چلتے چلتے
راستہ ٹوٹے ہوئے پل پہ ٹھہر جائے گا
بادبانوں نے جو احسان جتایا اس پر
بیچ دریا میں وہ کشتی سے اتر جائے گا
چلتے رہیے کہ صف ہم سفراں لمبی ہے
جس کو رستے میں ٹھہرنا ہے ٹھہر جائے گا
در و دیوار پہ صدیوں کی کہر چھائی ہے
گھر میں سورج بھی جو آیا تو ٹھٹھر جائے گا
فن وہ جگنو ہے جو اڑتا ہے ہوا میں قیصرؔ
بند کر لوگے جو مٹھی میں تو مر جائے گا
قیصر الجعفری
Itna sannata hai basti mein ke dar jayega
Itna sannata hai basti mein ke dar jayega
Chand nikla bhi to chup chaap guzar jayega
Kya khabar thi ke hawa tez chalegi itni
Sara sehra mere chehre pe bikhar jayega
Hum kisi mod pe ruk jayenge chalte chalte
Rasta toote hue pul pe thahar jayega
Baadbano ne jo ehsaan jataya us par
Beech dariya mein woh kashti se utar jayega
Chalte rahiye ke saf humsafraan lambi hai
Jis ko raste mein thaharna hai thahar jayega
Dar-o-deewar pe sadiyon ki kohar chhayi hai
Ghar mein suraj bhi jo aaya to thithar jayega
Fan woh jugnu hai jo udta hai hawa mein Qaisar
Band kar loge jo muthi mein to mar jayega
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں