جو راستے سے بھی گزریں انہیں حبیب رکھوں — قیصر الجعفری
شاعر
جو راستے سے بھی گزریں انہیں حبیب رکھوں
جو راستے سے بھی گزریں انہیں حبیب رکھوں
دیا جلاؤں تو دہلیز کے قریب رکھوں
مرا خلوص پشیماں ہے میری فطرت سے
وہ مجھ سے دور کھنچیں میں انہیں قریب رکھوں
کسی کے دل میں جگہ ہو تو بوجھ بانٹوں بھی
کہیں زمین نہیں ہے کہاں صلیب رکھوں
کبھی مزاج نہ پوچھوں کبھی لگاؤں گلے
میں زندگی سے مراسم بڑے عجیب رکھوں
بدن سے لو تو اٹھے روشنی تو ہو قیصرؔ
ہوا کے رخ پہ سلگتا ہوا نصیب رکھوں
قیصر الجعفری
Jo raaste se bhi guzren unhein habīb rakkhūn
Jo raaste se bhi guzren unhein habīb rakkhūn
Diya jalāūn to dehlīz ke qarīb rakkhūn
Mirā khulūs pashemāñ hai merī fitrat se
Woh mujh se duur khinchen main unhein qarīb rakkhūn
Kisī ke dil mein jagah ho to bojh bāntūñ bhī
Kahin zamīn nahīn hai kahāñ salīb rakkhūn
Kabhi mizāj na pūchhūñ kabhi lagāūn gale
Main zindagī se marāsim baṛe ajīb rakkhūn
Badan se lau to uṭhe raushnī to ho Qaisarؔ
Havā ke rukh pe sulagtā huā nasīb rakkhūn
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں