کاغذ کاغذ دھول اڑے گی فن بنجر ہو جائے گا — قیصر الجعفری
شاعر
کاغذ کاغذ دھول اڑے گی فن بنجر ہو جائے گا
کاغذ کاغذ دھول اڑے گی فن بنجر ہو جائے گا
جس دن سوکھے دل کے آنسو سب پتھر ہو جائے گا
ٹوٹیں گی جب نیند سے پلکیں سو جاؤں گا چپکے سے
جس جنگل میں رات پڑے گی میرا گھر ہو جائے گا
خوابوں کے یہ پنچھی کب تک شور کریں گے پلکوں پر
شام ڈھلے گی اور سناٹا شاخوں پر ہو جائے گا
رات قلم لے کر آئے گی اتنی سیاہی چھڑکے گی
دن کا سارا منظر نامہ بے منظر ہو جائے گا
ناخن سے بھی اینٹ کریدیں مل جل کر ہمسائے تو
آنگن کی دیوار نہ ٹوٹے لیکن در ہو جائے گا
قیصرؔ رو لو غزلیں کہہ لو باقی ہے کچھ درد ابھی
اگلی رتوں میں یوں لگتا ہے سب پتھر ہو جائے گا
قیصر الجعفری
Kagaz kagaz dhool udegi fan banjar ho jayega
Kagaz kagaz dhool udegi fan banjar ho jayega
Jis din sookhe dil ke aansu sab patthar ho jayega
Tooten gi jab neend se palken so jaunga chupke se
Jis jangal mein raat padegi mera ghar ho jayega
Khwabon ke ye panchi kab tak shor karenge palkon par
Shaam dhale gi aur sannata shakhen par ho jayega
Raat qalam le kar aayegi itni siyahi chhidke gi
Din ka sara manzar nama be-manzar ho jayega
Nakhoon se bhi eent kureden mil jul kar hamsaye to
Aangan ki deewar na toote lekin dar ho jayega
Qaisar ro lo ghazlen keh lo baqi hai kuch dard abhi
Agli ruton mein yun lagta hai sab patthar ho jayega
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں