خیال و خواب بن کے میرے ذہن سے لپٹ گئے — قیصر الجعفری
شاعر
خیال و خواب بن کے میرے ذہن سے لپٹ گئے
خیال و خواب بن کے میرے ذہن سے لپٹ گئے
وہ اتنی دور ہو گئے کہ فاصلے سمٹ گئے
صبا ہمیں تلاش کر کے زخم زخم ہو گئی
سنا ہے خوشبوؤں کے سارے قافلے پلٹ گئے
تعلقات کا سفر ہے اور تیز دھوپ ہے
رفاقتوں کے راستے کے سارے پیڑ کٹ گئے
خراب موسموں کے شور میں خلوص بہہ گیا
جو ناخدا بنے تھے اپنی ناؤ لے کے ہٹ گئے
خلا میں اب بدن سنبھالتے رہو تمام عمر
کہ حادثے تو پاؤں کی زمین لے کے ہٹ گئے
ادھوری زندگی کو اب لئے پھریں کہاں کہاں
کتاب دل سے اس کے نام کے ورق تو پھٹ گئے
وہ آنکھ بھر کے اپنے داغ دیکھتا نہ دیکھتا
یہ آئنوں کو کیا ہوا کہ سامنے سے ہٹ گئے
نئی صدی سلام کرنے آ رہی تھی جعفریؔ
چراغ پھینک کر ہمیں گپھاؤں میں پلٹ گئے
قیصر الجعفری
Khayal-o-khwab ban ke mere zehan se lipat gaye
Khayal-o-khwab ban ke mere zehan se lipat gaye
Woh itni door ho gaye ke faasle simat gaye
Saba humein talash kar ke zakhm zakhm ho gayi
Suna hai khushbuon ke saare qaafle palat gaye
Ta'alluqat ka safar hai aur tez dhoop hai
Rafaqaton ke raaste ke saare ped kat gaye
Kharab mausamon ke shor mein khuloos beh gaya
Jo nakhuda bane the apni nao le ke hat gaye
Khala mein ab badan sambhalte raho tamam umr
Ke haadse to paon ki zameen le ke hat gaye
Adhuri zindagi ko ab liye phiren kahan kahan
Kitab-e-dil se us ke naam ke waraq to phat gaye
Woh aankh bhar ke apne daagh dekhta na dekhta
Yeh aainon ko kya hua ke samne se hat gaye
Nai sadi salam karne aa rahi thi Jafri
Charagh phenk kar humein gufaon mein palat gaye
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں