کھویا ہوا گاؤں — قیصر الجعفری
شاعر
کھویا ہوا گاؤں
آئیں گے اک دن پردیس والے
اے گاؤں تھوڑے آنسو بچا لے
یاد آ رہے ہیں کھیتوں کے پھیرے
گیلی منڈیریں بھیگے سویرے
بادل کے پیچھے سونے کی تھالی
تھوڑا سا کاجل تھوڑی سی لالی
پیڑوں کے نیچے دھندلے اجالے
مسجد کے اوپر اڑتے کبوتر
پیپل کا سایا مندر کی چھت پر
پنگھٹ سے لے کر گھر کی گلی تک
بھولے نہیں ہیں دل کو ابھی تک
وہ پھول نیلے تالاب والے
پیپل پہ گونجے کوئل کی کو کو
بھیگی ہوا میں مٹی کی خوشبو
امرائیوں میں چرواہے جھومیں
ریوڑ چرائیں کھیتوں میں گھومیں
لاٹھی اٹھائے چادر سنبھالے
گھر کے سویرے باغوں کی شامیں
دل اڑ رہا ہے ٹھنڈی ہوا میں
پنگھٹ کا پتھر چھیا رے چھیا
بے تال پانی گہری تلیا
بیٹھی ہے گوری پیر اپنے ڈالے
چکی پہ آٹا پیسے سہاگن
ماتھے پہ بندیا ہاتھوں میں کنگن
تھالی کٹورا چوکا رسوئی
رہتی ہو جیسے کچھ کھوئی کھوئی
جلتے توے پر انگلی جلا لے
لگتا ہے سب کچھ گم ہو گیا ہے
سپنے بچے ہیں من کھو گیا ہے
کس گاؤں میں ہوگا اب گاؤں اپنا
جانے نہ کوئی جی کا تڑپنا
دکھ سکھ کریں ہم کس کے حوالے
قیصر الجعفری
Khoyā huā gā'oñ
Āeñge ik din pardes wāle
Ae gā'oñ thoṛe āñsū bachā le
Yād ā rahe hain khetoñ ke phere
Gīlī muṇḍereñ bhīge savere
Bādal ke pīchhe sone kī thālī
Thoṛā sā kājal thoṛī sī lāli
Peṛoñ ke nīche dhundale ujāle
Masjid ke ūpar uṛte kabūtar
Pīpal kā sāyā mandir kī chhat par
Pañghaṭ se le kar ghar kī galī tak
Bhūle nahīñ hain dil ko abhī tak
Woh phūl nīle tālāb wāle
Pīpal pe gūñje ko'il kī kū kū
Bhīgī havā mein miṭṭī kī khushbū
Amrā'iyoñ mein charwāhe jhūmeñ
Revāṛ charāeñ khetoñ mein ghūmeñ
Lāṭhī uṭhāe chādar sambhāle
Ghar ke savere bāghoñ kī shāmeñ
Dil uṛ rahā hai ṭhaṇḍī havā mein
Pañghaṭ kā patthar chhīyā re chhīyā
Be tāl pānī gehrī talayyā
Baiṭhī hai gorī pair apne ḍāle
Chakkī pe āṭā pīse suhāgan
Māthe pe bindiyā hāthoñ mein kañgan
Thālī kaṭorā chaukā rasoī
Rahtī ho jaise kuch khoī khoī
Jalte tave par uñglī jalā le
Lagta hai sab kuch gum ho gayā hai
Sapne bache hain man kho gayā hai
Kis gā'oñ mein hogā ab gā'oñ apnā
Jaane na koī jī kā taṛapnā
Dukh sukh kareñ ham kis ke hawāle
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں