کیا کیا چہرے چیخ رہے ہیں یادوں کے انبار تلے — قیصر الجعفری
شاعر
کیا کیا چہرے چیخ رہے ہیں یادوں کے انبار تلے
کیا کیا چہرے چیخ رہے ہیں یادوں کے انبار تلے
دل پر ایسا بوجھ دھرا ہے جو ہٹنے کا نام نہ لے
اپنی ٹوٹی چھت پر شاید اک دن سورج چمکا تھا
مٹھی میں کچھ دھوپ چرائے بیٹھا ہوں دیوار تلے
پت جھڑ کے آوارہ جھونکے ان پر ڈیرا ڈالے ہیں
جن شاخوں پر بچھڑے پنچھی آ ملتے تھے شام ڈھلے
قسمت ہم کو پھینک گئی ہے تیز ہوا کی راہوں میں
دل بھی کیا ہے ایک دیا ہے دیکھیں کتنی دیر جلے
منہ دیکھی باتوں میں یارو کیا رکھا ہے رہنے دو
حال ہمارا تم مت پوچھو جاؤ ہم بیمار بھلے
دنیا کا دستور یہی ہے ناقدری کی بات نہیں
جو بھی لمحوں کو ٹھکرائے صدیوں اپنے ہاتھ ملے
اپنی اپنی سب کی راہیں اپنا اپنا سب کا سفر
تم بھی کسی کے ساتھ چلے ہو ہم بھی کسی کے ساتھ چلے
جانے رستہ بند ہے قیصرؔ یا کوئی پچھتاوا ہے
اس نگری سے جو بھی جائے پھر آنے کا نام نہ لے
قیصر الجعفری
Kya kya chehre chīkh rahe hain yādoñ ke ambār tale
Kya kya chehre chīkh rahe hain yādoñ ke ambār tale
Dil par aisā bojh dharā hai jo haṭne kā nām na le
Apnī ṭūṭī chhat par shāyad ik din sūraj chamkā thā
Muṭṭhī mein kuch dhūp churāe baiṭhā hūñ dīvār tale
Patjhaṛ ke āvāra jhoñke un par ḍerā ḍāle hain
Jin shākhoñ par bichhṛe panchhī ā milte the shām ḍhale
Qismat ham ko phenk gaī hai tez havā kī rāhoñ mein
Dil bhī kya hai ek diyā hai dekhen kitnī der jale
Muñh dekhī bātoñ mein yāro kya rakkhā hai rahne do
Hāl hamārā tum mat pūchho jaa'o ham bīmār bhale
Dunyā kā dastūr yahī hai nāqadrī kī bāt nahīñ
Jo bhī lamhoñ ko ṭhukrāe sadiyoñ apne hāth male
Apnī apnī sab kī rāhen apnā apnā sab kā safar
Tum bhī kisī ke sāth chale ho ham bhī kisī ke sāth chale
Jaane rasta band hai Qaisarؔ ya koi pachhtāwā hai
Is nagrī se jo bhī jaa'e phir āne kā nām na le
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں