مایوسی کی برف پڑی تھی لیکن موسم سرد نہ تھا — قیصر الجعفری
شاعر
مایوسی کی برف پڑی تھی لیکن موسم سرد نہ تھا
مایوسی کی برف پڑی تھی لیکن موسم سرد نہ تھا
آج سے پہلے دل میں یارو! اتنا ٹھنڈا درد نہ تھا
تنہائی کی بوجھل راتیں پہلے بھی تو برسی تھیں
زخم نہیں تھے اتنے قاتل غم اتنا بے درد نہ تھا
پھرتے ہیں اب رسوا ہوتے کل تک یہ رفتار نہ تھی
شہر میں تھیں سو کوئے ملامت دل آوارہ گرد نہ تھا
مرنے پر بھی لو دیتی تھی دیوانے کے دل کی آگ
پتھرائی تھیں آنکھیں لیکن پھول سا چہرہ زرد نہ تھا
حرف تسلی موج ہوا تھے موج ہوا سے ہوتا کیا
سینے کا پتھر تھا قیصرؔ، غم دامن کی گرد نہ تھا
قیصر الجعفری
Mayusi ki barf padi thi lekin mausam sard na tha
Mayusi ki barf padi thi lekin mausam sard na tha
Aaj se pehle dil mein yaro! itna thanda dard na tha
Tanhai ki bojhal raaten pehle bhi to barsi thin
Zakhm nahin the itne qatil gham itna be-dard na tha
Phirte hain ab ruswa hote kal tak yeh raftaar na thi
Shehr mein thin sau koo-e-malamat dil awara-gard na tha
Marne par bhi lau deti thi deewane ke dil ki aag
Patthrayi thin aankhen lekin phool sa chehra zard na tha
Harf-e-tasalli mauj-e-hawa the mauj-e-hawa se hota kya
Seene ka patthar tha Qaisar, gham daman ki gard na tha
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں