مرے ہاتھ میں عشق کا ساز دے کر — قیصر الجعفری
شاعر
مرے ہاتھ میں عشق کا ساز دے کر
مرے ہاتھ میں عشق کا ساز دے کر
تمہیں چھپ گئے ایک آواز دے کر
یہ کیوں کر دیا پتھروں کے حوالے
مجھے فطرت آئنہ ساز دے کر
یہ کس نے اٹھا کر قلم رکھ دیا ہے
کہانی کو اک حرف آغاز دے کر
ہوا میں بھٹکتے پھریں اب پرندے
زمیں ہٹ گئی زعم پرواز دے کر
سفر پر نکلنا ہے جس کو وہ جاگے
ٹھہرتا نہیں وقت آواز دے کر
غزل سادہ کاغذ پہ آنسو لکھے گی
چلا جاؤں گا اپنا انداز دے کر
نہ جانے کہاں اڑ گئی عمر قیصرؔ
کھڑا ہوں بیاباں میں آواز دے کر
قیصر الجعفری
Mere haath mein ishq ka saaz de kar
Mere haath mein ishq ka saaz de kar
Tumhein chhup gaye ek aawaz de kar
Yeh kyun kar diya pattharon ke hawale
Mujhe fitrat-e-aaina saaz de kar
Yeh kis ne utha kar qalam rakh diya hai
Kahani ko ek harf-e-aaghaz de kar
Hawa mein bhatakte phiren ab parinde
Zameen hat gayi za'am-e-parwaz de kar
Safar par nikalna hai jis ko woh jage
Theharta nahin waqt aawaz de kar
Ghazal saada kaghaz pe aansoo likhegi
Chala jaunga apna andaaz de kar
Na jane kahan ud gayi umr Qaisar
Khada hoon biyaban mein aawaz de kar
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں