مرے خدا مری قید حیات کم کر دے — قیصر الجعفری
شاعر
مرے خدا مری قید حیات کم کر دے
مرے خدا مری قید حیات کم کر دے
چراغ دے نہیں سکتا تو رات کم کر دے
سبھی تو میری طرح حوصلہ نہیں رکھتے
ستون دار کو دو چار ہاتھ کم کر دے
مرے وجود کی قیمت اگر پرکھنی ہے
یہ کائنات اٹھا میری ذات کم کر دے
میں آدمی کے قصیدے کو بند کرتا ہوں
ذرا سا تو بھی فرشتوں کی بات کم کر دے
ترے خلوص مسلسل سے جی نہ بھر جائے
کبھی کبھی نگہ التفات کم کر دے
یہ روز روز نئی کربلائیں کیسی ہیں
مری زمین سے داغ فرات کم کر دے
قیصر الجعفری
Mere khuda meri qaid-e-hayat kam kar de
Mere khuda meri qaid-e-hayat kam kar de
Charagh de nahin sakta to raat kam kar de
Sabhi to meri tarah hausla nahin rakhte
Sutoon-e-daar ko do chaar haath kam kar de
Mere wajood ki qeemat agar parkhni hai
Yeh kainat utha meri zaat kam kar de
Main aadmi ke qaseede ko band karta hoon
Zara sa tu bhi farishton ki baat kam kar de
Tere khuloos-e-musalsal se jee na bhar jaye
Kabhi kabhi nigah-e-iltifat kam kar de
Yeh roz roz nai karbalayen kaisi hain
Meri zameen se daagh-e-furaat kam kar de
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں