مرے ساتھ چلتے چلتے یہ کہاں ٹھہر گئے تم — قیصر الجعفری
شاعر
مرے ساتھ چلتے چلتے یہ کہاں ٹھہر گئے تم
مرے ساتھ چلتے چلتے یہ کہاں ٹھہر گئے تم
شب غم کٹے گی کیسے جو ابھی سے ڈر گئے تم
وہاں شمع کیا جلے گی جہاں بجھ گئے مراسم
وہاں چاند کیا کرے گا جہاں شام کر گئے تم
مرے سامنے پڑا ہے ابھی آنسوؤں کا دریا
مرے ساتھ پانیوں میں یہ کہاں اتر گئے تم
جہاں دفن ہے محبت بڑی بے وفا جگہ تھی
نہ کبھی ادھر گئے ہم نہ کبھی ادھر گئے تم
کبھی آ کے دیکھ جاؤ مری محویت کا عالم
وہی درد چن رہا ہوں جو بکھیر کر گئے تم
قیصر الجعفری
Mere saath chalte chalte yeh kahan thehar gaye tum
Mere saath chalte chalte yeh kahan thehar gaye tum
Shab-e-gham kate gi kaise jo abhi se dar gaye tum
Wahan shama kya jalegi jahan bujh gaye marasim
Wahan chand kya karega jahan shaam kar gaye tum
Mere samne pada hai abhi aansuon ka dariya
Mere saath paniyon mein yeh kahan utar gaye tum
Jahan dafn hai mohabbat badi bewafa jagah thi
Na kabhi udhar gaye hum na kabhi idhar gaye tum
Kabhi aa ke dekh jao meri mahwiyat ka alam
Wohi dard chun raha hoon jo bikher kar gaye tum
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں