منتشر ذہن کی سوچوں کو اکٹھا کر دو — قیصر الجعفری
شاعر
منتشر ذہن کی سوچوں کو اکٹھا کر دو
منتشر ذہن کی سوچوں کو اکٹھا کر دو
تم جو آ جاؤ تو شاید مجھے تنہا کر دو
در و دیوار پہ پڑھتا رہوں نوحہ کل کا
اس اجالے سے تو بہتر ہے اندھیرا کر دو
اے مرے غم کی چٹانو کبھی مل کر ٹوٹو
اس قدر زور سے چیخو مجھے بہرا کر دو
جا رہے ہو تو مرے خواب بھی لیتے جاؤ
دل اجاڑا ہے تو آنکھوں کو بھی صحرا کر دو
کچھ نہیں ہے تو یہ پندار جنوں ہے کیسر
تم کو مل جائے گریباں تو تماشا کر دو
قیصر الجعفری
Muntashir Zehn Ki Sochon Ko Ikhattha Kar Do
Muntashir zehn ki sochon ko ikhattha kar do
Tum jo aa jaao to shayad mujhe tanha kar do
Dar-o-deewar pe padhta rahoon nauha kal ka
Is ujaale se to behtar hai andhera kar do
Ae mere gham ki chattanon kabhi mil kar tooto
Is qadar zor se cheekho mujhe behra kar do
Jaa rahe ho to mere khwab bhi lete jaao
Dil ujaada hai to aankhon ko bhi sehra kar do
Kuch nahin hai to yeh pindaar-e junoon hai Qaisar!
Tum ko mil jaaye girebaan to tamasha kar do
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں