نیلی جلد کی کتاب — قیصر الجعفری
شاعر
نیلی جلد کی کتاب
میرے گھر میں جھونج بنائے گوریا کا جوڑا
چونچ میں لے کر آئے جائے بھوسہ تھوڑا تھوڑا
بھوسے میں کچھ تنکے بھی ہیں کچھ مٹیالے پر
نیلے پیلے اجلے میلے بھورے کالے پر
باغوں باغوں ہو کر آئے اپنا گھر نہ بھولے
پہلے وہ رسی پر بیٹھے پل بھر جھولا جھولے
پھر الماری میں اڑ کر جائے سیدھے اپنے کونے
غالب کا دیوان چنا ہے رہنے کو ان دو نے
نیلی نیلی جلد پہ جیسے پھول رکھا ہو کوئی
یا کاغذ کو رات سمجھ کر چاند اگا ہو کوئی
قسمت والے ٹھہرے ان کے لال گلابی پنجے
اردو کا اک شاعر آیا ان کے پاؤں کے نیچے
چاندی جیسے تخت پہ سو کر گزریں راتیں ان کی
غالبؔ صاحب سنتے ہوں گے شاید باتیں ان کی
ماضی کی بنیاد پہ رکھا ہے مستقبل سب کا
آنے والے دور میں لوگو اٹکا ہے دل سب کا
گوریا کے ان خوابوں کو کیسے توڑا جائے
کوئی نسخہ اور منگا لیں اس کو چھوڑا جائے
قیصر الجعفری
Nīlī jild kī kitāb
Mere ghar mein jhoñjh banāe gauriyā kā joṛā
Choñch mein le kar āe jaa'e bhūsā thoṛā thoṛā
Bhūse mein kuch tinke bhī hain kuch miṭṭiyāle par
Nīle pīle ujle mīle bhūre kāle par
Bāghoñ bāghoñ ho kar āe apnā ghar na bhūle
Pehle woh rassī par baiṭhe pal bhar jhūlā jhūle
Phir almārī mein uṛ kar jaa'e sīdhe apne kone
Ghālib kā dīvān chunā hai rahne ko un do ne
Nīlī nīlī jild pe jaise phūl rakkhā ho koī
Yā kāghaz ko rāt samajh kar chāñd ugā ho koī
Qismat wāle ṭhahre un ke lāl gulābī pañje
Urdū kā ik shā'ir āyā un ke pā'uñ ke nīche
Chāñdī jaise takht pe so kar guzrīñ rātein un kī
Ghālibؔ sāhib sunte hoñge shāyad bātein un kī
Māzī kī bunyād pe rakkhā hai mustaqbil sab kā
Āne wāle daur mein logo aṭkā hai dil sab kā
Gauriyā ke un khwāboñ ko kaise toṛā jaa'e
Koi nuskha aur mangā leñ is ko chhoṛā jaa'e
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں