نہ سوال جام نہ ذکر مے اسی بانکپن سے چلے گئے — قیصر الجعفری
شاعر
نہ سوال جام نہ ذکر مے اسی بانکپن سے چلے گئے
نہ سوال جام نہ ذکر مے اسی بانکپن سے چلے گئے
ترا ظرف دیکھ کے تشنہ لب تری انجمن سے چلے گئے
کبھی تو نے سوچا بھی صبح نو کہ تمام رات گزار کے
جنہیں ڈس گئی تری روشنی وہ کہاں وطن سے چلے گئے
مجھے دھن کہ کاکل زندگی جو بکھر گئی ہے سنوار دوں
تمہیں غم کہ عشق کے تذکرے مرے شعر و فن سے چلے گئے
ترے گیسوؤں سے عزیز تھیں جنہیں کائنات کی الجھنیں
ترا غم سمیٹ کے روح میں تری انجمن سے چلے گئے
مرے دل کو قیصرؔ بے نوا کوئی غم شکست نہ دے سکا
کہ الجھ کے سیکڑوں حادثے مرے بانکپن سے چلے گئے
قیصر الجعفری
Na sawal-e-jaam na zikr-e-may usi bankpan se chale gaye
Na sawal-e-jaam na zikr-e-may usi bankpan se chale gaye
Tera zarf dekh ke tishna-lab teri anjuman se chale gaye
Kabhi tu ne socha bhi subh-e-nau ke tamam raat guzar ke
Jinhen das gayi teri roshni woh kahan watan se chale gaye
Mujhe dhun ke kaakul-e-zindagi jo bikhar gayi hai sanwar doon
Tumhein gham ke ishq ke tazkire mere sher-o-fan se chale gaye
Tere gesuon se azeez thin jinhen kainat ki uljhanen
Tera gham samet ke rooh mein teri anjuman se chale gaye
Mere dil ko Qaisar-e-be-nawa koi gham-e-shikast na de saka
Ke ulajh ke saikdon haadse mere bankpan se chale gaye
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں