نظر پڑے تو غزل کے مزاج دانوں کی — قیصر الجعفری
شاعر
نظر پڑے تو غزل کے مزاج دانوں کی
نظر پڑے تو غزل کے مزاج دانوں کی
ہمارے شعر امانت ہیں آسمانوں کی
ہوا چلے نہ چلے لوگ انتظار میں ہیں
کھلی ہوئی ہیں ابھی کھڑکیاں مکانوں کی
ترے خلوص کو اب کیا کروں کنارے پر
سمندروں میں ضرورت تھی بادبانوں کی
ہزار زخم پرانے ہزار زخم نئے
مرے بدن پہ نظر تھی کئی زمانوں کی
پھر اس کے بعد قصیدہ بہار کا لکھنا
اٹھا کے راکھ تو پھینک آؤ آشیانوں کی
زمین پاؤں کی زنجیر بن نہیں سکتی
تھکن مٹے تو وہی رت ہے پھر اڑانوں کی
ہمارے گھر کے اجالے کہاں گئے قیصرؔ
سسک رہی ہیں لویں اب بھی شمع دانوں کی
قیصر الجعفری
Nazar paṛe to ghazal ke mizāj dānoñ kī
Nazar paṛe to ghazal ke mizāj dānoñ kī
Hamāre sher amānat hain āsmānoñ kī
Havā chale na chale log intizār mein hain
Khulī huī hain abhī khiṛkiyāñ makānoñ kī
Tere khulūs ko ab kya karūñ kināre par
Samundaroñ mein zarūrat thī bādbānoñ kī
Hazār zakhm purāne hazār zakhm na'e
Mere badan pe nazar thī kaī zamānoñ kī
Phir us ke ba'd qasīda bahār kā likhnā
Uṭhā ke rākh to phenk aao āshiyānoñ kī
Zamīn pā'uñ kī zañjīr ban nahīñ saktī
Thakan miṭe to wahī rut hai phir uṛānoñ kī
Hamāre ghar ke ujāle kahāñ ga'e Qaisarؔ
Sisak rahī hain lawein ab bhī sham'dānoñ kī
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں