پتوں کے ٹوٹنے کی صدا دیر تک چلی — قیصر الجعفری
شاعر
پتوں کے ٹوٹنے کی صدا دیر تک چلی
پتوں کے ٹوٹنے کی صدا دیر تک چلی
کل دشت جسم و جاں میں ہوا دیر تک چلی
روشن رہیں نگار ہنر کی ہتھیلیاں
اپنی دکان رنگ حنا دیر تک چلی
جب نیند اڑ گئی تو ستارے بہت کھلے
جب رات گھٹ گئی تو ہوا دیر تک چلی
ہم بند کر کے سو گئے خوشبو کی کھڑکیاں
سنتے ہیں رات باد صبا دیر تک چلی
محفل میں چل پڑی تھی ہمارے جنوں کی بات
پھر داستان چاک قبا دیر تک چلی
ساحل پہ آ کے ڈوب گئیں سب عقیدتیں
گہرے سمندروں میں دعا دیر تک چلی
قیصر الجعفری
Patton Ke Tootne Ki Sada Der Tak Chali
Patton ke tootne ki sada der tak chali
Kal dasht-e jism-o-jaan mein hawa der tak chali
Roshan rahein nigaar-e hunar ki hatheliyan
Apni dukaan-e rang-e hina der tak chali
Jab neend ud gayi to sitare bahut khule
Jab raat ghat gayi to hawa der tak chali
Hum band kar ke so gaye khushboo ki khidkiyan
Sunte hain raat baad-e saba der tak chali
Mehfil mein chal padi thi hamare junoon ki baat
Phir daastaan-e chaak-e qaba der tak chali
Sahil pe aa ke doob gayin sab aqeedatein
Gehre samundaron mein dua der tak chali
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں