پہلے ذرا محاسبۂ ذات بھی تو ہو — قیصر الجعفری
شاعر
پہلے ذرا محاسبۂ ذات بھی تو ہو
پہلے ذرا محاسبۂ ذات بھی تو ہو
دنیا پڑی ہے گھر سے شروعات بھی تو ہو
سمجھے ہیں سب انا کے دھندلکے کو روشنی
شمعیں کہاں جلاؤں کہیں رات بھی تو ہو
پنہاں ہے آنسوؤں میں سراغ شگفت گل
صحرائے بے ضمیر میں برسات بھی تو ہو
اک مسئلے کے بعد نیا مسئلہ ہے روز
کچھ معتبر یہ گردش حالات بھی تو ہو
چہرے سے دل کا حال پڑھیں اور رو بھی لیں
جس سے ملے ہیں اس سے ملاقات بھی تو ہو
مشکل نہیں ہواؤں میں جلنے لگیں چراغ
شب زاد راستوں میں ترا ساتھ بھی تو ہو
میں تبصرہ کروں نہ خدا کی زمین پر
ٹھوکر لگے بنا گزر اوقات بھی تو ہو
لمحوں کی مٹھیوں میں ہے صدیوں کی روشنی
لیکن نظر میں وقت کی اوقات بھی تو ہو
قیصر الجعفری
Pehle zarā muhāsiba-e-zāt bhī to ho
Pehle zarā muhāsiba-e-zāt bhī to ho
Dunyā paṛī hai ghar se shurūāt bhī to ho
Samjhe hain sab anā ke dhundlake ko raushnī
Sham'eñ kahāñ jalāūñ kahīn rāt bhī to ho
Pinhāñ hai āñsu'oñ mein surāgh-e-shigufta-gul
Sehrā-e-be-zamīr mein barsāt bhī to ho
Ik mas'ale ke ba'd nayā mas'ala hai roz
Kuch mo'tabar yeh gardish-e-hālāt bhī to ho
Chehre se dil kā hāl paṛhen aur ro bhī leñ
Jis se mile hain us se mulāqāt bhī to ho
Mushkil nahīñ havāoñ mein jalne lageñ chirāgh
Shab-zād rāstoñ mein tirā sāth bhī to ho
Maiñ tabṣira karūñ na Khudā kī zamīn par
Ṭhokar lage binā guzar-e-auqāt bhī to ho
Lamhoñ kī muṭṭhiyoñ mein hai sadiyoñ kī raushnī
Lekin nazar mein waqt kī auqāt bhī to ho
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں