پھر مرے سر پہ کڑی دھوپ کی بوچھار گری — قیصر الجعفری
شاعر
پھر مرے سر پہ کڑی دھوپ کی بوچھار گری
پھر مرے سر پہ کڑی دھوپ کی بوچھار گری
میں جہاں جا کے چھپا تھا وہیں دیوار گری
لوگ قسطوں میں مجھے قتل کریں گے شاید
سب سے پہلے مری آواز پہ تلوار گری
اور کچھ دیر مری آس نہ ٹوٹی ہوتی
آخری موج تھی جب ہاتھ سے پتوار گری
اگلے وقتوں میں سنیں گے در و دیوار مجھے
میری ہر چیخ مرے عہد کے اس پار گری
خود کو اب گرد کے طوفاں سے بچاؤ قیصرؔ
تم بہت خوش تھے کہ ہم سایے کی دیوار گری
قیصر الجعفری
Phir mere sar pe kadi dhoop ki bochhaar giri
Phir mere sar pe kadi dhoop ki bochhaar giri
Main jahan ja ke chhupa tha wahin deewar giri
Log qiston mein mujhe qatl karenge shayad
Sab se pehle meri aawaz pe talwar giri
Aur kuch der meri aas na tooti hoti
Aakhri mauj thi jab haath se patwar giri
Agle waqton mein sunenge dar-o-deewar mujhe
Meri har cheekh mere ahad ke us paar giri
Khud ko ab gard ke toofan se bachao Qaisar
Tum bahut khush the ke hamsaye ki deewar giri
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں