پیا کرتے ہیں چھپ کر شیخ جی روزانہ روزانہ — قیصر الجعفری
شاعر
پیا کرتے ہیں چھپ کر شیخ جی روزانہ روزانہ
پیا کرتے ہیں چھپ کر شیخ جی روزانہ روزانہ
چلے آتے ہیں آدھی رات کو مے خانہ روزانہ
محبت جان بھی دیتی ہے ترساتی بھی ہے یارو
کبھی پیمانہ برسوں میں کبھی پیمانہ روزانہ
پریشاں ہوں کنول جیسی یہ آنکھیں چوم لینے دو
کہ ان پھولوں پہ منڈلائے گا یہ بھونرا نہ روزانہ
شرابوں کو نہ جانے لوگ کیوں بدنام کرتے ہیں
کہ میں تو مر گیا ہوتا اگر پیتا نہ روزانہ
کبھی چلمن اٹھا کر دیکھ تو لو بات مت کرنا
کہ دل تھامے ہوئے آتا ہے اک دیوانہ روزانہ
کسی دن بزم ساقی سے نکالے جاؤ گے قیصرؔ
نبھاؤ گے کہاں تک ٹھاٹھ یہ شاہانہ روزانہ
قیصر الجعفری
Piya karte hain chhup kar Shaikh ji rozana rozana
Piya karte hain chhup kar Shaikh ji rozana rozana
Chale aate hain aadhi raat ko mai-khana rozana
Mohabbat jaan bhi deti hai tarsati bhi hai yaaro
Kabhi paimana barson mein kabhi paimana rozana
Pareshan hun kanwal jaisi ye aankhen choom lene do
Ke in phoolon pe mandlayega ye bhonwra na rozana
Sharabon ko na jaane log kyun badnaam karte hain
Ke main to mar gaya hota agar peeta na rozana
Kabhi chilman utha kar dekh to lo baat mat karna
Ke dil thame hue aata hai ek deewan rozana
Kisi din bazm-e-saqi se nikale jaoge Qaisar
Nibhauge kahan tak thaath ye shahana rozana
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں