صدیوں طویل رات کے زانو سے سر اٹھا — قیصر الجعفری
شاعر
صدیوں طویل رات کے زانو سے سر اٹھا
صدیوں طویل رات کے زانو سے سر اٹھا
سورج افق سے جھانک رہا ہے نظر اٹھا
اتنی بری نہیں ہے کھنڈر کی زمین بھی
اس ڈھیر کو سمیٹ نئے بام و در اٹھا
ممکن ہے کوئی ہاتھ سمندر لپیٹ دے
کشتی میں سو شگاف ہوں لنگر مگر اٹھا
شاخ چمن میں آگ لگا کر گیا تھا کیوں
اب یہ عذاب در بدری عمر بھر اٹھا
منزل پہ آ کے دیکھ رہا ہوں میں آئنہ
کتنا غبار تھا جو سر رہ گزر اٹھا
صحرا میں تھوڑی دیر ٹھہرنا غلط نہ تھا
لے گرد باد بیٹھ گیا اب تو سر اٹھا
دستک میں کوئی درد کی خوشبو ضرور تھی
دروازہ کھولنے کے لیے گھر کا گھر اٹھا
قیصرؔ متاع دل کا خریدار کون ہے
بازار اجڑ گیا ہے دکان ہنر اٹھا
قیصر الجعفری
Sadiyon taweel raat ke zaanu se sar utha
Sadiyon taweel raat ke zaanu se sar utha
Suraj ufaq se jhaank raha hai nazar utha
Itni buri nahin hai khandhar ki zameen bhi
Is dheer ko samet naye baam-o-dar utha
Mumkin hai koi haath samandar lapet de
Kashti mein sau shigaf hon langar magar utha
Shakh-e-chaman mein aag laga kar gaya tha kyun
Ab yeh azab-e-darbadri umr bhar utha
Manzil pe aa ke dekh raha hoon main aaina
Kitna ghubar tha jo sar-e-reh-guzar utha
Sehra mein thodi der theharna ghalat na tha
Le gard-e-baad baith gaya ab to sar utha
Dastak mein koi dard ki khushboo zaroor thi
Darwaza kholne ke liye ghar ka ghar utha
Qaisar mata-e-dil ka kharidar kaun hai
Bazaar ujad gaya hai dukan-e-hunar utha
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں