شہر غزل میں دھول اڑے گی فن بنجر ہو جائے گا — قیصر الجعفری
شاعر
شہر غزل میں دھول اڑے گی فن بنجر ہو جائے گا
شہر غزل میں دھول اڑے گی فن بنجر ہو جائے گا
جس دن سوکھے دل کے آنسو سب پت جھڑ ہو جائے گا
ٹوٹیں گی جب نیند سے پلکیں سو جاؤں گا چپکے سے
جس جنگل میں رات پڑے گی میرا گھر ہو جائے گا
خوابوں کے یہ پنچھی کب تک شور کریں گے پلکوں پر
شام ڈھلے گی اور سناٹا شاخوں پر ہو جائے گا
رات قلم لے کے آئے گی اتنی سیاہی چھڑکے گی
دن کا سارا منظر نامہ بے منظر ہو جائے گا
دل کی کشتی ایک طرف ہے لاکھوں دعائیں ایک طرف
سوکھا تو کیا غم کا دریا چلو بھر ہو جائے گا
قیصرؔ رو لو غزلیں کہہ لو باقی ہے کچھ درد ابھی
اگلی رتوں میں یوں لگتا ہے سب پتھر ہو جائے گا
قیصر الجعفری
Shehr-e-ghazal mein dhool udegi fan banjar ho jaayega
Shehr-e-ghazal mein dhool udegi fan banjar ho jaayega
Jis din sookhe dil ke aansu sab pat jhad ho jaayega
Tootengi jab neend se palken so jaunga chupke se
Jis jangal mein raat padegi mera ghar ho jaayega
Khwabon ke yeh panchhi kab tak shor karenge palkon par
Shaam dhalegi aur sannata shakhon par ho jaayega
Raat qalam le ke aayegi itni siyahi chhidkegi
Din ka sara manzar nama be-manzar ho jaayega
Dil ki kashti ek taraf hai lakhon duayen ek taraf
Sookha to kya gham ka dariya chullu bhar ho jaayega
Qaisar ro lo ghazlen keh lo baqi hai kuch dard abhi
Agli ruton mein yun lagta hai sab patthar ho jaayega
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں