تری گلی میں تماشا کیے زمانہ ہوا — قیصر الجعفری
شاعر
تری گلی میں تماشا کیے زمانہ ہوا
تری گلی میں تماشا کیے زمانہ ہوا
پھر اس کے بعد نہ آنا ہوا نہ جانا ہوا
کچھ اتنا ٹوٹ کے چاہا تھا میرے دل نے اسے
وہ شخص میری مروت میں بے وفا نہ ہوا
ہوا خفا تھی مگر اتنی سنگ دل بھی نہ تھی
ہمیں کو شمع جلانے کا حوصلہ نہ ہوا
مرے خلوص کی صیقل گری بھی ہار گئی
وہ جانے کون سا پتھر تھا آئینہ نہ ہوا
میں زہر پیتا رہا زندگی کے ہاتھوں سے
یہ اور بات ہے میرا بدن ہرا نہ ہوا
شعور چاہئے ترتیب خار و خس کے لیے
قفس کو توڑ کے رکھا تو آشیانہ ہوا
ہمارے گاؤں کی مٹی ہی ریت جیسی تھی
یہ ایک رات کا سیلاب تو بہانہ ہوا
کسی کے ساتھ گئیں دل کی دھڑکنیں قیصرؔ
پھر اس کے بعد محبت کا حادثہ نہ ہوا
قیصر الجعفری
Teri gali mein tamasha kiye zamana hua
Teri gali mein tamasha kiye zamana hua
Phir us ke baad na aana hua na jaana hua
Kuchh itna toot ke chaha tha mere dil ne use
Woh shakhs meri murawwat mein bewafa na hua
Hawa khafa thi magar itni sangdil bhi na thi
Hamein ko shama jalane ka hausla na hua
Mere khuloos ki saiql gari bhi haar gayi
Woh jaane kaun sa patthar tha aaina na hua
Main zehar peeta raha zindagi ke hathon se
Yh aur baat hai mera badan hara na hua
Shauoor chahiye tarteeb-e-khar-o-khas ke liye
Qafas ko tod ke rakha to aashiyana hua
Hamare gaon ki mitti hi reet jaisi thi
Yh ek raat ka sailaab to bahana hua
Kisi ke saath gayin dil ki dhadkanen Qaisar!
Phir us ke baad mohabbat ka hadisa na hua
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں