ٹوٹے ہوئے خوابوں کی چبھن کم نہیں ہوتی — قیصر الجعفری
شاعر
ٹوٹے ہوئے خوابوں کی چبھن کم نہیں ہوتی
ٹوٹے ہوئے خوابوں کی چبھن کم نہیں ہوتی
اب رو کے بھی آنکھوں کی جلن کم نہیں ہوتی
کتنے بھی گھنیرے ہوں تری زلف کے سائے
اک رات میں صدیوں کی تھکن کم نہیں ہوتی
ہونٹوں سے پئیں چاہے نگاہوں سے چرائیں
ظالم تری خوشبوئے بدن کم نہیں ہوتی
ملنا ہے تو مل جاؤ یہیں حشر میں کیا ہے
اک عمر مرے وعدہ شکن کم نہیں ہوتی
قیصرؔ کی غزل سے بھی نہ ٹوٹی یہ روایت
اس شہر میں نا قدرئ فن کم نہیں ہوتی
قیصر الجعفری
Toote hue khwabon ki chubhan kam nahin hoti
Toote hue khwabon ki chubhan kam nahin hoti
Ab ro ke bhi aankhon ki jalan kam nahin hoti
Kitne bhi ghanere hon teri zulf ke saaye
Ek raat mein sadiyon ki thakan kam nahin hoti
Honthon se piyein chahe nigahon se churayein
Zaalim teri khushboo-e-badan kam nahin hoti
Milna hai to mil jao yahin hashar mein kya hai
Ek umar mere wada-shikan kam nahin hoti
Qaisar! ki ghazal se bhi na tooti yeh riwayat
Is shahar mein na-qadri-e-fan kam nahin hoti
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں