تو اپنے پھول سے ہونٹوں کو رائیگاں مت کر — قیصر الجعفری
شاعر
تو اپنے پھول سے ہونٹوں کو رائیگاں مت کر
تو اپنے پھول سے ہونٹوں کو رائیگاں مت کر
اگر وفا کا ارادہ نہیں تو ہاں مت کر
تو میری شام کی پلکوں سے روشنی مت چھین
جہاں چراغ جلائے وہاں دھواں مت کر
پھر اس کے بعد تو آنکھوں کو سنگ ہونا ہے
ملی ہے فرصت گریہ تو رائیگاں مت کر
چھلک رہا ہے ترے دل کا درد چہرے سے
چھپا چھپا کے محبت کو داستاں مت کر
تو جاتے جاتے نہ دے مجھ کو زندگی کی دعا
میں جی سکوں گا ترے بعد یہ گماں مت کر
قیصر الجعفری
Tu apne phool se honton ko raaigan mat kar
Tu apne phool se honton ko raaigan mat kar
Agar wafa ka irada nahin to haan mat kar
Tu meri shaam ki palkon se roshni mat chheen
Jahan chiragh jalaye wahan dhuan mat kar
Phir us ke baad to aankhon ko sang hona hai
Mili hai fursat-e-girya to raaigan mat kar
Chhalak raha hai tere dil ka dard chehre se
Chhupa chhupa ke mohabbat ko dastaan mat kar
Tu jaate jaate na de mujh ko zindagi ki dua
Main ji sakunga tere baad ye gumaan mat kar
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں