تم سے دو حرف کا خط بھی نہیں لکھا جاتا — قیصر الجعفری
شاعر
تم سے دو حرف کا خط بھی نہیں لکھا جاتا
تم سے دو حرف کا خط بھی نہیں لکھا جاتا
جاؤ اب یوں بھی تعلق نہیں توڑا جاتا
دل کا احوال نہ پوچھو کہ بہت روز ہوئے
اس خرابے کی طرف میں نہیں آتا جاتا
تشنگی نے کبھی دریاؤں سے ملنے نہ دیا
ہم جدھر جاتے اسی راہ میں صحرا جاتا
زندگی! رہنے بھی دے سوچ کی حد ہوتی ہے
اتنا سوچا ہے کہ صدیوں میں نہ سوچا جاتا
اس کو انداز تغافل بھی نہ آیا اب تک
بھولنے ہی کو سہی یاد تو رکھا جاتا
ہائے وہ دور کہ آنسو بھی نہ تھے آنکھوں میں
اور چہرا تھا کہ بے روئے بھی بھیگا جاتا
بھولتا ہی نہیں وہ مرحلۂ راز و نیاز
ہم مناتے تو کوئی اور بھی روٹھا جاتا
پس دیوار کا منظر بھی گیا اپنے ساتھ
صحن ویران سے پتھر کہاں پھینکا جاتا
شام ہوتے ہی کوئی شمع جلا رکھنی تھی
جب دریچے سے ہوا آتی تو دیکھا جاتا
روشنی اپنے گھروندوں میں چھپی تھی ورنہ
شہر کے شہر پہ شب خون نہ مارا جاتا
اتنے آنسو مری آنکھوں میں کہاں تھے قیصرؔ
عمر بھر دل کے جنازے پہ جو رویا جاتا
قیصر الجعفری
Tum se do harf ka khat bhi nahin likha jaata
Tum se do harf ka khat bhi nahin likha jaata
Jao ab yun bhi taalluq nahin toda jaata
Dil ka ahwaal na poochho ke bahut roz hue
Is kharabe ki taraf main nahin aata jaata
Tishnagi ne kabhi dariyaon se milne na diya
Hum jidhar jaate usi raah mein sehra jaata
Zindagi! rehne bhi de soch ki had hoti hai
Itna socha hai ke sadiyon mein na socha jaata
Us ko andaaz-e-taghaful bhi na aaya ab tak
Bhoolne hi ko sahi yaad to rakha jaata
Haaye woh daur ke aansu bhi na the aankhon mein
Aur chehra tha ke be roye bhi bheega jaata
Bhoolta hi nahin woh marhala raaz-o-niyaaz
Hum manate to koi aur bhi rootha jaata
Pas-e-diwaar ka manzar bhi gaya apne saath
Sehn-e-veeran se patthar kahan phenka jaata
Shaam hote hi koi shama jala rakhni thi
Jab dariche se hawa aati to dekha jaata
Roshni apne gharondon mein chhupi thi warna
Shehr ke shehr pe shab-khoon na mara jaata
Itne aansu meri aankhon mein kahan the Qaisar
Umr bhar dil ke janaze pe jo roya jaata
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں