تمہارے شہر کا موسم بڑا سہانا لگے — قیصر الجعفری
شاعر
تمہارے شہر کا موسم بڑا سہانا لگے
تمہارے شہر کا موسم بڑا سہانا لگے
میں ایک شام چرا لوں اگر برا نہ لگے
تمہارے بس میں اگر ہو تو بھول جاؤ مجھے
تمہیں بھلانے میں شاید مجھے زمانہ لگے
جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتا نہ لگے
وہ پھول جو مرے دامن سے ہو گئے منسوب
خدا کرے انہیں بازار کی ہوا نہ لگے
نہ جانے کیا ہے کسی کی اداس آنکھوں میں
وہ منہ چھپا کے بھی جائے تو بے وفا نہ لگے
تو اس طرح سے مرے ساتھ بے وفائی کر
کہ تیرے بعد مجھے کوئی بے وفا نہ لگے
تم آنکھ موند کے پی جاؤ زندگی قیصرؔ
کہ ایک گھونٹ میں ممکن ہے بد مزہ نہ لگے
قیصر الجعفری
Tumhare shahar ka mausam bada suhana lage
Tumhare shahar ka mausam bada suhana lage
Main ek sham chura loon agar bura na lage
Tumhare bas mein agar ho to bhool jao mujhe
Tumhein bhulane mein shayad mujhe zamana lage
Jo doobna hai to itne sukoon se doobo
Ke aas paas ki lehron ko bhi pata na lage
Woh phool jo mere daman se ho gaye mansoob
Khuda kare unhein bazaar ki hawa na lage
Na jaane kya hai kisi ki udaas aankhon mein
Woh munh chhupa ke bhi jaaye to bewafa na lage
Tu is tarah se mere saath bewafai kar
Ke tere baad mujhe koi bewafa na lage
Tum aankh moond ke pee jao zindagi Qaisar!
Ke ek ghoont mein mumkin hai bad maza na lage
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں