وہ ایک خیمۂ شب جس کا نام دنیا تھا — قیصر الجعفری
شاعر
وہ ایک خیمۂ شب جس کا نام دنیا تھا
وہ ایک خیمۂ شب جس کا نام دنیا تھا
کبھی دھواں تو کبھی چاندنی سا لگتا تھا
ہماری آگ بھی تاپی ہمیں بجھا بھی دیا
جہاں پڑاؤ کیا تھا عجیب صحرا تھا
ہوا میں میری انا بھیگتی رہی ورنہ
میں آشیانے میں برسات کاٹ سکتا تھا
جو آسمان بھی ٹوٹا گرا مری چھت پر
مرے مکاں سے کسی بد دعا کا رشتہ تھا
تم آ گئے ہو خدا کا ثبوت ہے یہ بھی
قسم خدا کی ابھی میں نے تم کو سوچا تھا
زمیں پہ ٹوٹ کے کیسے گرا غرور اس کا
ابھی ابھی تو اسے آسماں پہ دیکھا تھا
بھنور لپیٹ کے نیچے اتر گیا شاید
ابھی وہ شام سے پہلے ندی پہ بیٹھا تھا
میں شاخ زرد کے ماتم میں رہ گیا قیصرؔ
خزاں کا زہر شجر کی جڑوں میں پھیلا تھا
قیصر الجعفری
Woh Ek Khaima-e Shab Jis Ka Naam Duniya Tha
Woh ek khaima-e shab jis ka naam duniya tha
Kabhi dhuaan to kabhi chandni sa lagta tha
Hamari aag bhi taapi humein bujha bhi diya
Jahaan padaao kiya tha, ajeeb sehra tha
Hawa mein meri ana bheegti rahi warna
Main aashiyane mein barsaat kaat sakta tha
Jo aasman bhi toota gira meri chhat par
Mere makaan se kisi bad dua ka rishta tha
Tum aa gaye ho Khuda ka saboot hai yeh bhi
Qasam Khuda ki abhi main ne tum ko socha tha
Zameen pe toot ke kaise gira ghuroor us ka
Abhi abhi to use aasman pe dekha tha
Bhanwar lapet ke neeche utar gaya shayad
Abhi woh shaam se pehle nadi pe baitha tha
Main shaakh-e zard ke maatam mein reh gaya Qaisar!
Khizaan ka zeher shajar ki jadon mein phaila tha
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں