یہ زندگی ہے کہ آسیب کا سفر ہے میاں — قیصر الجعفری
شاعر
یہ زندگی ہے کہ آسیب کا سفر ہے میاں
یہ زندگی ہے کہ آسیب کا سفر ہے میاں
چراغ لے کے نکلنا بڑا ہنر ہے میاں
پتہ چلے جو محبت کا درد لے کے چلو
مرے مکاں کی گلی کتنی مختصر ہے میاں
نہائیں گی مری ضو میں ہزار ہا صدیاں
میں وہ چراغ نہیں ہوں جو رات بھر ہے میاں
تمہاری رات پہ اتنا ہی تبصرہ ہے بہت
مکیں اندھیرے میں ہیں چاندنی میں گھر ہے میاں
لکھا ہے وقت نے صدیوں سفر کے بعد اسے
یہ دور جھوٹ سہی پھر بھی معتبر ہے میاں
ملے گی راکھ نہ تم کو ہمارے چہرے پر
بدن میں رہ کے سلگنا بڑا ہنر ہے میاں
اب انتظار کی طاقت نہیں رہی قیصرؔ
کچھ اور روز نہ سوچا تو سب کھنڈر ہے میاں
قیصر الجعفری
Yeh zindagi hai ke aaseb ka safar hai miyan
Yeh zindagi hai ke aaseb ka safar hai miyan
Charagh le ke nikalna bada hunar hai miyan
Pata chale jo mohabbat ka dard le ke chalo
Mere makan ki gali kitni mukhtasar hai miyan
Nahain gi meri zau mein hazaar haa sadiyan
Main woh charagh nahin hoon jo raat bhar hai miyan
Tumhari raat pe itna hi tabsira hai bahut
Makeen andhere mein hain chandni mein ghar hai miyan
Likha hai waqt ne sadiyon safar ke baad use
Yeh daur jhoot sahi phir bhi mo'atabar hai miyan
Milegi raakh na tum ko hamare chehre par
Badan mein reh ke sulagna bada hunar hai miyan
Ab intezar ki taaqat nahin rahi Qaisar
Kuch aur roz na socha to sab khandhar hai miyan
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں