یوں بڑی دیر سے پیمانہ لیے بیٹھا ہوں — قیصر الجعفری
شاعر
یوں بڑی دیر سے پیمانہ لیے بیٹھا ہوں
یوں بڑی دیر سے پیمانہ لیے بیٹھا ہوں
کوئی دیکھے تو یہ سمجھے کہ پئے بیٹھا ہوں
آخری ناؤ نہ آئی تو کہاں جاؤں گا
شام سے پار اترنے کے لیے بیٹھا ہوں
مجھ کو معلوم ہے سچ زہر لگے ہے سب کو
بول سکتا ہوں مگر ہونٹ سیے بیٹھا ہوں
لوگ بھی اب مرے دروازے پہ کم آتے ہیں
میں بھی کچھ سوچ کے زنجیر دیے بیٹھا ہوں
زندگی بھر کے لیے روٹھ کے جانے والے
میں ابھی تک تری تصویر لیے بیٹھا ہوں
کم سے کم ریت سے آنکھیں تو بچیں گی قیصرؔ
میں ہواؤں کی طرف پیٹھ کیے بیٹھا ہوں
قیصر الجعفری
Yoon badi der se paimana liye baitha hoon
Yoon badi der se paimana liye baitha hoon
Koi dekhe to yeh samjhe ke piye baitha hoon
Aakhiri nao na aayi to kahan jaunga
Sham se paar utarne ke liye baitha hoon
Mujh ko maloom hai sach zehar lage hai sab ko
Bol sakta hoon magar honth siye baitha hoon
Log bhi ab mere darwaze pe kam aate hain
Main bhi kuchh soch ke zanjeer diye baitha hoon
Zindagi bhar ke liye rooth ke jaane wale
Main abhi tak teri tasveer liye baitha hoon
Kam se kam reet se aankhein to bachengi Qaisar!
Main hawaon ki taraf peeth kiye baitha hoon
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں