زلف گھٹا بن کر رہ جائے آنکھ کنول ہو جائے — قیصر الجعفری
شاعر
زلف گھٹا بن کر رہ جائے آنکھ کنول ہو جائے
زلف گھٹا بن کر رہ جائے آنکھ کنول ہو جائے
شاید ان کو پل بھر سوچیں اور غزل ہو جائے
جس دیپک کو ہاتھ لگا دو جلیں ہزاروں سال
جس کٹیا میں رات بتا دو تاج محل ہو جائے
کتنی یادیں آ جاتی ہیں دستک دیے بغیر
اب ایسی بھی کیا ویرانی گھر جنگل ہو جائے
تم آؤ تو پنکھ لگا کر اڑ جائے یہ شام
میلوں لمبی رات سمٹ کر پل دو پل ہو جائے
قیصر الجعفری
Zulf ghata ban kar reh jaaye aankh kanwal ho jaaye
Zulf ghata ban kar reh jaaye aankh kanwal ho jaaye
Shayad un ko pal bhar sochen aur ghazal ho jaaye
Jis deepak ko haath laga do jalein hazaron saal
Jis kutiya mein raat bata do Taj Mahal ho jaaye
Litni yaadein aa jaati hain dastak diye baghair
Ab aisi bhi kya veerani ghar jangal ho jaaye
Tum aao to pankh laga kar ud jaaye ye shaam
Meelon lambi raat simat kar pal do pal ho jaaye
شاعر کے بارے میں
قیصر الجعفری اردو کے معروف اور ہر دل عزیز شاعر تھے جنہوں نے اپنی سادہ، درد انگیز اور عوامی لہجے کی شاعری سے غیر معمولی شہرت حاصل کی۔ ان کا اصل نام ...
مکمل تعارف پڑھیں