آخری ہتک — شارق کیفی
شاعر
آخری ہتک
نماز ختم ہو گئی
کسی نے زور سے کہا
چہرہ دیکھ لیجیے
کوئی قدم نہیں بڑھا
کفن کا بند کھول کر
پھر سے کس دیا گیا
کوئی قدم نہیں بڑھا
خدا ہی جانے سچ تھا یا مجھے لگا
کہ اس ہتک پہ
اس کا زرد چہرہ
تھوڑا اور زرد پڑ گیا
شارق کیفی
aaKHri hatak
namāz ḳhatm ho ga.ī
kisī ne zor se kahā
chehra dekh lījiye
koī qadam nahīñ baḌhā
kafan kā band khol kar
phir se kas diyā gayā
koī qadam nahīñ baḌhā
ḳhudā hī jaane sach thā yā mujhe lagā
ki is hatak pe
us kā zard chehra
thoḌā aur zard paḌ gayā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں