کوئی اور رد عمل — شارق کیفی
شاعر
کوئی اور رد عمل
معافی
بڑا دل
یہ اوصاف یوں بھی گنہ گار اور تجربہ کار لوگوں کے ہیں
اور کرم ہے خدا کا
کہ وہ ایسے لوگوں میں شامل نہیں
جدا ہے تو کیا
عمر بھر ہم کبھی اب نہیں بھی ملیں گے تو کیا
یہ تسلی ہی مجھ کو بہت ہے
کہ وہ
ایک چھوٹی سی لغزش پہ بھی مجھ سے
اس درجہ ناراض ہے
کوئی اور رد عمل
اس کو مشکوک کر دیتا میری نظر میں
شارق کیفی
koi aur radd-e-amal
mu'āfī
baḌā dil
ye ausāf yuuñ bhī gunahgār aur tajriba-kār logoñ ke haiñ
aur karam hai ḳhudā kā
ki vo aise logoñ meñ shāmil nahīñ
judā hai to kyā
'umr bhar ham kabhī ab nahīñ bhī mileñge to kyā
ye tasallī hī mujh ko bahut hai
ki vo
ek chhoTī sī laġhzish pe bhī mujh se
is darja nārāz hai
koī aur radd-e-'amal
us ko mashkūk kar detā merī nazar meñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں